Saarlännisch Baufillesefie: Ääns kummd dsem annere!

KOLUMNE SAARMÒÒ Georg Fox erklärt, wie aus einem Stellplatz eine Garage mit Wintergarten und Balkon wird.

Leddschdens hadd de Hennes nääwem Heisje so e glään Baggersche gehadd. Das hadder sisch beier Firma ausgelieh, fier dò die Wies se blaschdere, dasser sei Audo druffschdelle kännd. Danne issem iwwer der Aarwed die Idee kumm, e Kaarbord dse baue, demid sei beschd Schdigg nidd im Rään odder woomeeschlisch im Winder soggaar im Schnee schdehn missd. Graad wiejer debei waar, die Fundammende ausdsebaggere, hadd de Nochber dsum gesaad, mer kännd jò aach noch drumerum dsuumache, fier dass naachds nidd die Schbiddsbuuwe aan sei Audo gehn gääde unns veleischd vergraddse, womeeschlisch irschendebbes rumfummle odder dò sunschd was ausbaldoowere.

Was soll isch dier saan: Dswei Wuche schbääder hadd nääwem Hennes seim Haus e Karraasch geschdann middem ellegdrisch Segderaaldoor unn allem drum unn draan. Wie das de Nochber gesiehn hann, hadd er gefròòd, ob mer weeschem Baublaan sowas mierniggsdierniggs mache dirfd. Kännd jò sinn, dass mò ääner vum Amd kummd! Dò hadd de Hennes gemennd: Mer kännd jò nidd fier alles fròòe, aam End wollde die ääm noch Grimmel in de Kääs mache unn hinnerhäär dòòfier, dasse midgeschwäddsd hann, noch Gebiehre kassiere.

Kaum drei Moonaad schbääder iss awwer daadsäschlisch ääner vum Amd kumm, unn hadd wisse wolle, wieso dò e Karraasch schdehd. Dò hadd de Hennes gesaad: Ei die hädd schunn immer dsem Haus geheerd unn ob mer gemäänerhann beim Haus kä Karraasch hädd? Unn iwwerhaubd: Dòòmòòls vòr Jòhre, wiejer sei Heisje geblaand hädd, hädder schunn uffem Amd gesaad, dass nääwens e Karraasch hinkummd, awwer dòòmòòls hädder noch kää Geld unn aach noch kää Audo gehadd. Jeddse wäär se ääwe dò unn gudd wäärs!

Leddschd hann isch de Hennes gedroff unn wolld wisse, wie die Sach ausgang iss. Was soll isch saan: Der vum Amd hadd gesaad, Dò kännd mer jò jeddse niggs meh mache! Awwer wanner nòmmò e Karraasch baue dääd, danne missd vòrhäär gefròòd genn. Dòòdebei hadd mer de Hennes schunn unner der Hand verdsehld: Näggschd Jòhr baud er noch im Gaarde aan die Karraasch e Schubbe aan. De Bagger hädder schunn beschdelld. Unn Seins hääd gesaad, wann mer dann graad mò debei wäär, kännd mer aach noch uff die Karraasch e Balgoon mache unn drumerum e Windergaarde.