Wasserball im Ludwischspaarg
Mers hadds kumme gesiehn: Wann Mòòlschd geesche die ausem Reisch schbield, danne räänds. Die leddschde Wuche hann se de Luddwischspaarg uff de Kobb geschdelld unn e neier Raase geblansd, fier dasse nidd widder middem Laab-Blòòser es Wasser ausem Graas rauspuuschde missde.
Peifedeggel! Wie uff Beschdellung iss de Raase ab Moondaach aus Kiwwele geneddsd genn, dass mer gemennd hadd, die kännde widder nidd schbiele. Awwer die Òwwerschde hann geguggd unn de Ball iss gerolld: Virdelfinnaale mid „Gladdbach“besser hädd
Ganz Fußball-Deutschland spricht über den 1. FC Saarbrücken und seine Siegessträhne im DFB-Pokal. Auch unser Autor hat ein paar Gedanken dazu. mer de Ludwischspaarg nidd beschreiwe känne! Vill hann gewissd: „Kää Schangs fier de EffDsee! Die hann schunn verloòr, eh dasse uff de Bladds kumme.“Vòòrem Schbiel geesche die Bayere hadd das awwer genau soo gehiesch. Hinnenòò hadd de Söder geschull wie e Rohrschbadds unn gesaad, es Saarland geheerd uffgeleesd, demid soo ebbes nimmeh bassiere kann. Dann iss Franggfurd aan der Reih gewään. „Was känne die Saarbrigger geesche die dann ausrischde: Niggs unn gaar niggs!“Aach widder denääwe gelää! Hädd mer getibbd, wäär mer schunn dsweimòò uff die Naas gefall.
Jeddse leddschd Wuch danne bei Gladdbach: „Dissmò gridd Mòòlschd uff die Buggs!“Was soll isch saan: Der Raase waar nei geleed. Fròò nidd, was das koschd hadd. Billisch waars jeedefalls nidd gewään. Unn danne iss aach alles „gladd“gelaaf. Gleisch es erschde Door fier Gladdbach in der 8. Minnudd. Dòò hadd der Ään odder Anner schunn gedenggd, dass die Sach geriddsd wäär. Glaabs nidd! Kaum drei Minnudde schbääder isses Door fier Mòòlschd gefall. Dòòdenòò waars Schbiel ehrer Wasserball als wie Fuusball. Die Fuusballer hann sisch dsuugesaud, dasses ääm lääd gedòòn hadd.
Die hann ausgesiehn wie dursch de Dregg gedsòò. Uffgenn hannse awwer nidd. Wie jeeder am Fernseh fier die Verlängerung schunn die näggschd Flasch uffgemachd hadd, hadd doch ääner vun Saarbrigge de Ball geschnabbd unn iss linggs bis vòòrs Door gelaaf. Ball nuur noch abgenn unn rinn in de Kaschdae! Häddschd mò siehn solle, wie dòò die Gladdbacher geguggd hann. Es hadd Fäns gebb, die hann sisch nòò em seggsde Bier gefiehld, als hädde se es Door selwerd geschoss. Denäägschd kummd die Pals aan die Reih, awwer all Schlauberjer wisse naddierlisch, dass Mòòlschd geesche die kää Schangs hann. Wiesoo aach? Wann se nuur Bayere, Franggfurd unn Gladdbach geschlaa hann?
Mer missd veleischd noch fier de Rään sòòrje, dasses gudd ausgehd geesche Laudre! Veleischd solld mer mò die Feierwehr fròòe, ob die nidd vòòrhäär beim Neddse nòòhelfe kännd!
Das neue Buch „Der Dichter und sein virtueller Sohn“von Georg Fox vereint hochdeutsche Kurzgeschichten und die Mundarttexte der letzten Jahre. Zahlreiche Aquarelle aus der Landeshauptstadt sind veröffentlicht in dem kürzlich erschienenen Buch: „Ein Stück Saarbrücker Glück“, Edition Bucherbach.