„Dia Gmoidrät haut ma kurz ond klei, damit koiner me will in des Gramium nei“

Zu den Diskussionen bezüglich der Windkraft in Krauchenwies erreicht uns folgender Leserbrief:

Windkraft in Krauchawies was für an Kraus, mit am schene Leba isch etz bald aus.

Bald wärat do Windprobpeller stau, ma wird sei oignes Wort nemme verstau.

Ond des liabe Mitbürger woiss i ganz gwis, verdanket mir da Gmoidrät vo da Gmoid Krauchawies. A Bürgervotum des it isch ordentlich formuliert, ganz schnell zu Irritationa hot gführt.

Da Ma vo da FDP hot’s gsait, was für an Kraus, ohne Hilfe vom Artaschutz isch es so guat wia aus.

Mit dem Windpark wär’s sicher ganz schnell aus hier, hättat mir an Rotmilan oder a Haselmaus en dem Revier.

A Lösung für des Problem wär vielleicht, wenn’s em Andelsbachtal zom an Stausee roicht.

A Stausee aus em Andelsbach der legt so maches Windrad flach. Die Turbina dia dätat sich drea en Dur ond en Moll bei Tag ond bei Nacht, ond sofort wär des Wunderwerk Energiewende en Krauchawies vollbracht.

Doch leidr bleibt des nur an Traum, ond dia Gemüter wärat sich beruhiga kaum.

Dia Gmoidrät haut ma kurz ond klei, damit koiner me will in des Gramium nei.

Des Ganze verdankt ma da Bundesond Landespolitik, send jo bald wiedr Wahla was für a Glück. Dia Windkraftpläne von da grossa Koalition senat no meh Anlagen vor was für ein Hohn. Vielleicht macht die FDP dann au mol wiedr mit ond macht sich it wiedr vom Acker jo des wär da Hit. Dia Ideea aus der Oppsition dia send it ohne, aber ohne Regierungsmacht it wert eine Bohne.

Ond dena dia im Land gwählt grün. Sei gseit ihr müsst euch was Windkraft angohnt noch wärmer anziehn. Denn wählt man grün in unserm Ländle, dann hot der Windpark Horror sicher no lang koi Ende.

Da Strom der aus da Steckdos kommt, den kam a importiera, sollad sich doch dia Andera wega da Windkraft duelliera.

Wenn jemand was zom Energiespara doa will vornaweg, schneidat hald die Stecker von dena neumodischa Maschina weg,

Lond’s Auto schtau ond gond zu Fuss, noch geits au hendanaus au nie wiedr Ruß.

FOTO: MARIJAN MURAT/DPA In Gaildorf im Landkreis Schwäbisch Hall steht mit rund 250 Metern die derzeit höchste Windkraftanlage der Welt auf dem Festland. In Krauchenwies wären ähnlich hohe Windkraftanlagen zu erwarten.