跳出Comfort Zone 補習名師K. Kwong不賺分毫ᅠ七日研口罩
「武漢肺炎」疫情發展至今,港人仍難以合理價錢買得口罩。補習名師鄺士山博士, 人稱Dr. K. Kwong,2月時宣布以7日時間成功研發DIY口罩「 HK Mask」;只要你有一塊布、一枝針、一條線,便能自製口罩。 有人質疑,補習老師研發口罩是無可能,K. Kwong無奈地說:「好多人都好大嘅誤會,覺得補習老師專長只有補習。」
這位化學名師沒有公司、人手或廠房,但他有想法,亦有號召力。提供濾芯的公司FOCUS、製作布口罩的社企裳樂匯坊和辦記招的公關公司裏,都有他的學生。他一直相信:「做嘅嘢如果係啱嘅話,就唔會單獨,你唔會係唯一一個人。」
同時用3部電話忙過補習
自從HK Mask面世後,他的日程便擠得密密麻麻,忙得不可開交,第一次與K. Kwong通電
話商量訪問安排,是晚上11時。現時,他同時使用3部電話,分別處理私人事務、聯絡傳媒和處
理造口罩事宜。
他說:「而家係我人生最忙嘅日子,係忙過我以前補習好多。但係我仍然覺得開心,因為我覺得幫到香港人,我甘心。」
他是造口罩計劃的牽頭者,卻不賺分毫,所有盈利和發售事宜都歸他的合作夥伴決定。然而,不為錢而牽頭完成的事,也絕非業餘水平:
「我可以好大膽講,呢個口罩由外行人砌咗個熱
潮出嚟,完全有商業模式(Bussiness Model),
砌之前我係深思熟慮。」
K. Kwong在別人眼中看似偉大,他卻笑說:
「我唔係偉大到想幫其他人,只係因為我屋企冇口罩,我成個彈起。我無口罩,我要整!即刻要整!」
早於去年年底傳出武漢有確診個案時,他沒想過竟然要自己口罩自己造:「因為我無諗過會咁大鑊。唔夠口罩?去外國買咪得囉。」
直到1月,有心人打算在港設口罩廠,K. Kwong即幫忙四處打聽機器和原材料來源。然而,他發現即使購得口罩機,亦難買到口罩原
料。
2月初,他驚覺家中剩下不足40個口罩,自己、太太連同菲傭只餘10多日的用量:「大鑊!」他意識到與其依賴進口的機器和原料,或繼續等外國口罩到貨,倒不如自己造口罩:「我要改變計劃。」
當K. Kwong不夠口罩時,學生、朋友從四方八面送來口罩,「佢哋覺得你唔可以無,要企係度,幫我哋做其他嘢,我好感動,我覺得香港係需要有啲人企出嚟做返啲嘢——Connect。」
於是,他在Facebook刊登貼文,招募義工造口罩,自己香港自己救,結果一呼百應。兩、
三日後,他們開始設計口罩外形,K. Kwong要
求設計必須使所有呼吸的空氣都經過口罩濾芯:
「兩點鐘開始,我哋五點就要做到呢個口罩!」一
小時後,他們在4、5個設計中再挑選出一個作改
良;兩小時後,便完成布口罩的設計。
翌日,他便拿著布口罩與本地公司FOCUS洽談合作:「唔夠時間,我哋要做多啲口罩救香港人,我哋一齊做。」
他們是售賣空氣清新機、冷氣濾網的公司,最初亦對提議半信半疑,K. Kwong解釋DIY口罩的商機,又將濾芯放入布口罩示範,最終成功
說服他們合作,HK Mask的雛形就此誕生。K. Kwong再聯絡相熟傳媒,準備於周末介紹成品,此舉亦為鼓勵車口罩的義工,讓他們看到成果:「你哋要做嘅就係畀足心機,嚟緊車多啲口罩。」
拒申請專利鼓勵改良
之後,他決意花費再辦記招,讓更多人認識
HK Mask。隨後的星期一,K. Kwong便立即聯絡在公關公司工作的舊生:「幾多錢唔好理住,總之你同我做,錢我第日還,一定有方法清。呢個嘢係可以賺到錢嘅,唔係我賺,但係我一定要
proceed(繼續做)。」
公關不解,DIY口罩多的是,這個HK Mask有何特別?K. Kwong只說:「到時你就知,畀啲信心我。」
記者會前,他特地找濾芯公司測試紙巾的過濾效能,對方亦不知他有何打算。結果,記者會
成功吸引多間傳媒採訪、直播,HK Mask配以紙巾濾芯達N95七成效果,亦成報道的焦點之一。
HK Mask特別還在於免費開放下載紙樣,只要你有布和針線,便可自己動手做口罩。口罩可用熨斗消毒重用,買不到濾芯可用紙巾代替。
K. Kwong竟沒有以自己名義申請HK Mask的專
利:「所有想參與嘅人,都可以隨便去改良佢。任何發明只要開放俾人搞佢,就會繼續進步。」
不怕他朝有人抄襲設計後告自己侵權嗎?他怕,所以他腦海裡早有HK Mask 3.0的設計,他日有需要才將其實現。
不過,任HK Mask再特別,只要疫情一過,
便再無用武之地。為此,他亦早有打算:「全世界邊啲國家無事無幹都會戴口罩?其中一個就係日本,春天嘅時候花粉症流行會戴口罩。呢個(HK Mask)會變咗時裝,只要跟住去做就會成
功。」
凡事兩手準備,連記者會的翻譯、公關公司亦有後備:「我所有嘢都有Plan B,有咩事有第
二隊人補上。」
自費記招六位數開支
然而,當他們公布下載口罩紙樣的連結時,卻始料不及,連結被惡意舉報至失效。幸而,各路熱心網民將紙樣廣傳,亦有位30年前的補習學生隨即主動聯絡K. Kwong,為HK Mask開設網站:「阿Sir,我幫你整好個網站,原本我哋要做呢堆嘢要3星期,啲資料畀晒我幫你整上去,就
無人攻擊到你。」
他說,HK Mask的成功,補習30年來所建
立的號召力相當重要:「佢哋尊重我係好重要。如果我只係一個普通補習老師搏命賺錢,佢未必咁尊重我。香港有好多人想造口罩,但係無信心。我希望將呢啲人連埋一齊,就係我做嘅嘢。」
就如記招後他追問公關舊生花費多少,對方說六位數,說罷竟叫K. Kwong不用急著找數:「唏,唔好講呢啲嘢,阿Sir唔好理啦,第日先。」
當有人質疑,補習老師造口罩,邊得?他便說:「開波就話無可能就無可能啦。點解有個口罩先?一定係有人做㗎嘛,唔係個天跌落嚟,點解你唔可以做造嗰個人呢?」
記者問:「咁其實你做咩都得?」他答得招積:「其實係得㗎。有足夠嘅人、時間,7日造個
口罩有幾難?」他相信世上無難事,敢想敢做才有可能:「唔去諗嘅話,社會永遠唔會進步。」
K. Kwong說,有位歷史人物對他影響深遠,他就是二戰美軍上將巴頓,他做事果敢迅速,與前線吃同樣的糧食、共同進退,是感染力相當強的領袖。「點樣令到人人都幫我賣命做嘢?我哋以為K. Kwong做嘢為榮?第一件事,我要做到榜樣畀人睇,唔能夠坐喺office ,然後叫人哋勤力幫你做嘢。」