曾是壞學生險入黑社會今成網絡紅人
K. Kwong原本過著退休生活，閒時影相、行山。研發口罩以外，自去年開始，他不時在
Facebook專頁解答化學疑難，幾乎有問必答，如怎樣清理催淚煙殘餘物？哪款酒精較好？怎樣分辨真假酒精？專頁標榜「科學救港」，他決意盡量回答所有查詢，此舉不為討好粉絲，只望他們有所得著：「其實我而家當全世界都係我啲學生。」
這位時常穿著攝影背心的化學名師，說自己最叻是攝影，不是補習和讀書，從來不是安份守己的讀書人。「其實我係好曳嘅讀書人。」究竟這位補習老師有何獨特，為何號召力如此大？
K. Kwong是香港大學化學系博士，曾是中
大講師。1989年開補習社，後被現代收購，教過無數學生，學生遍布各行各業。
K. Kwong深得學生喜愛，每年生日，學生都會擺幾圍為他慶祝；他研發口罩，舊生一呼百應，幫忙辦記招、設網站。當K. Kwong發現自己不夠口罩時，在Facebook求救便有學生將口罩送來。
念念不忘，原來必有迴響。補習學生願意幫助K. Kwong，或許是為報恩。K. Kwong時常對幫助過的學生笑說：「我幫你啦，唔駛驚㗎，你第日實有機會還。」
當學生的夢想遠大，看似難以實現，K. Kwong便說：「 Go Ahead ！」例如，有舊生夢想成為醫生，卻成了空姐，K. Kwong鼓勵她追尋夢想，她問：「我點得啊？」K. Kwong說，打定輸數就必然失敗，當你認為自己會成功，才會下決心追逐目標。後來，學生繼續進修，輾轉間果真成為醫生。
當K. Kwong看到想去外國升學的學生，有潛質、有能力，卻獨欠資金。「佢話幾十萬，我話唔好理咁多，我畀你！你第日先還，你去啊！」學生得到K. Kwong的鼓勵，最終成功到外國升學，「最後佢冇攞到我錢，佢攞咗獎學金。但係如果唔係咁樣鼓勵佢，佢未必會去。」老婆問K. Kwong，信得過人？他答：「佢呃我幾十萬，佢成世就淨係值咁少咩？」因為比起知識，K. Kwong更著重鼓勵和啟發學生。
幾乎年年留班
大學畢業時，他本可以去外地做研究，卻選擇當補習老師：「當時Offer好好，但係我寧願選擇教人，我好鍾意教人。」他認定教師的職業崇高，因為他也曾遇過好老師，將他從學壞的邊緣救出來。
他過去教出無數狀元，是受人尊重的補習名師，誰想到他也曾是老師眼中的壞學生，年年都差點留班、險些加入黑社會。當他說自己是「好曳嘅讀書人」時，原來所言非虛。
K. Kwong自言兒時家境貧困，從小便要自己想辦法解決問題，卻走歪了路；想要的東西，不是偷，便是搶。
「以前對社會嘅心態好差，覺得橫掂乜都冇，都係咁。嗰時會諗，肚餓搵嘢食，係好合理，唔會諗被偷嘢嘅人感受。」他不時和人打架，甚至有黑社會向他招手：「覺得我打交好
叻，曳到周圍啲人唔畀細路靠近我。」年年的成績表都是近乎全紅，父母要到學校求老師讓K. Kwong升班，「細個完全冇諗過要成才，覺得嘥幾多力都無用，就唔會畀心機。」
當時的人常說：「鄺士山無用㗎啦，好曳、
好懶。」即便如此，K. Kwong的老師亦無放棄他，常提醒他要設身處地，想像被偷的感受。
有一番話，他記得深刻。「佢話，我哋每個人都係一枝蠟燭，會一路燒、一路變短，最後會熄。但係熄滅之前，佢可以點著其他蠟燭，照亮到更多人。雖然我心地好壞，但係俾佢講講吓覺得，都係唔好做咁多壞事，要照亮人。」
雖然這位老師已離世，但K. Kwong相信，老師定必對他今日的成就感到欣慰：「如果唔係有老師帶我，我就會變成最垃圾嘅人。原本差啲俾人踢咗入黑社會，佢掹返我出嚟，做咗個啟發他人嘅人。」
「我希望我第日都係咁。」如是者，他努力讀書，考進香港大學，後來開展補習事業。何不到傳統學校做老師呢？他笑說：「我可能會激死晒啲校長。」因為他從不認同香港傳統學校講求紀律的方針，「如果校長話我啲學生好嘈，我諗我一定企喺學生嗰邊。」他不認同老師要高高在上管學生，反而希望成為學生的隊友。
一教便是20多年，直至2012年，K. Kwong雙親先後離世，他自己在西藏旅遊時因缺氧昏迷，踏過鬼門關，他才開始淡出：「嗰次開始我就知道，我要珍惜生命，要玩，唔好淨係賺錢。」
他說，或許就是不為錢，研發口罩、幫朋友找酒精才這麼快：「我淨係會諗入幾多貨，老婆
都話，買咗40,000多元酒精，到時唔要咁點？得啦，我搵畀啲醫生㗎，唔要嘅，到時畀其他人，我無諗呢個問題。」
之前的生活，他一星期補習一小時，為過癮；三日去深水埗行街睇電子產品、睇相機，兩日去行山，閒時幫朋友維修記憶卡。直至去年社會運動開始，到今年的疫情，他才開始忙碌起來。
解答網民疑難成KOL
他在Faceook寫關於清理催淚煙、消毒防疫的文章，連網民留言問的問題，他都會盡量回答：「通常返到屋企會盡量答，但係因為太多，幾萬個message，碌一個鐘都未到底，想盡量答晒佢，答嘅原因唔係為咗取悅fans，而係我教完你，你可能有日再教更多人。」他說，現在已經當所有人都是他的學生。
到最近，他為幫朋友和學生採購抗疫物資、研發HK Mask和接受傳媒訪問，而東奔西走。他仍說：「我唔需要錢，我想香港和平，我有番以前嘅生活。香港有事嗰時，我會好唔得閒，所以我想香港無事，我可以得閒。」
如果從前的K. Kwong在補習界無人不識，現在的K. Kwong大概是每個需要口罩的港人都
會認識。個人營運的Facebook專頁有13萬多，算得上是半個網絡紅人嗎？他笑著說：「唔係半個，係全個。一路都係KOL，我太多fans，夠唔夠招積？」
K. Kwong自命為人招積，在他的筆記上總見一隻「了哥」73公仔。他說，「了哥」懂得模仿人類說話，予人感覺非常招積：「覺得佢講到嘢好特別，好招積，就似我自己，我係好招積。」