Is olc an ghaoth nach séideann do dhuine éigin
Le cúpla mí anuas, bhí an-chuid cainte ar siúl faoi aimsir an gheimhridh. Rinne tuilte agus gaotha an-damáiste do thithe agus d’fheirmeacha in áiteanna áirithe in Éirinn. Ní hé seo an chéad gheimhreadh a bhí aimsir uafásach againn. Sa bhliain 2010, bhí an geimhreadh ab fhuaire le beagnach 50 bliain anuas againn. Níos faide siar, ba í 1947 ‘Bliain an tSneachta Mhóir’. Ní raibh daoine, carranna ná traenacha in ann gluaiseacht toisc go raibh an sneachta chomh domhain sin. Lean an sneachta go dtí lár an Mhárta. Níos faide siar arís, bhuail gaoth mhór Éire ar an 6 Eanáir 1839.Fuair beagnach 300 duine bás agus bhí na mílte duine dídean gan mar díon thoradh gan ar Oíche na Gaoithe Móire. Sa bhliain 1839, ní raibh stáisiúin aimsire in Éirinn, ná eolaithe a bhí ábalta réamhaisnéis a dhéanamh ar an aimsir. Ní raibh stáisiún aimsire againn go dtí 1860. Ó 1936 i leith, tá seirbhís réamhaisnéise aimsire againn anseo in Éirinn. Is meitéareolaithe iad na heolaithe a bhíonn ag féachaint ar an aimsir agus a dhéanann tuar uirthi. Meitéareolaíocht an t-ainm atá ar an eolaíocht a bhaineann le tuar na haimsire. Met Éireann an t-ainm atá ar an tseirbhís réamhaisnéise agus is féidir leis na heolaithe ann an sórt aimsire atá le teacht go ceann roinnt laethanta a thuar. Ar an gcaoi seo, bíonn seans ag daoine ullmhú don aimsir. I rith na bliana 2015 tháinig Met Éireann agus Oifig Mheitéareolaíochta na Ríochta Aontaithe le chéile chun liosta ainmneacha a ullmhú do stoirmeacha an gheimhridh sin.
Cé go bhfuilimid ag creathadh leis na gaotha fuara, nach aisteach gur í gluaiseacht teasa ar an domhan is cúis le haimsir an gheimhridh? Téann an ghrian an domhan ach, toisc gur sféar é an domhan, ní fhaigheann gach áit an méid céanna teasa. Gar don mheánchiorcal faigheann áiteanna níos mó teasa ná na poil. Bíonn an domhan de shíor ag iarraidh cothromaíocht a bhaint amach sna teochtaí agus, mar thoradh, gluaiseann aer agus uisce thart ar an
gcruinneog.
Iompraíonn an t-aer
agus an t-uisce seo teas. Is í an ghluaiseacht teasa seo is cúis leis an aimsir a bhíonn againn. Lean ort ag léamh agus foghlaimeoidh tú faoi aimsir agus faoi theas.