BUAICPHOINTE NA SEACHTAINE
Bhí drochthús ag foireann rugbaí ban na hÉireann i mbliana agus iad buailte go dona ag an Fhrainc. Ina ainneoin sin, tá aiséirí déanta acu. Tá siad sa tríú háit sa tábla, taobh thiar de Shasana agus an Fhrainc.
Albain an chéad dúshlán eile ag foireann Adam Griggs. Chonaic muid láidreacht fisiciúil agus inchinne iontu in aghaidh na Breataine Bige, cruas nach raibh iontu le píosa. Caithfear a bheith ag súil leis go mbeidh siad buacach in aghaidh na hAlban. Níl aon Chaithréim Mhór i ndán do na mná, ach má théann rudaí de réir scripte, ba cheart go mbeadh na fir agus na mná ag súil go mór le deireadh seachtaine na Féile Pádraig i Sasana. PIC: INPHO/BRYAN KEANE