An Tour de France – agus Chris Froome

Is léir ón seasamh atá tógtha ag lucht an Tour de France in aghaidh Chris Froome go bhfuil lorg fágtha ag Lance Armstrong ar an rás. Más cuimhin leat, d’fhill Armstrong ar an Tour in 2009.

Roghnaigh an lucht eagraithe neamh-aird a dhéanamh den amhras a bhain leis, agus nuair a d’admhaigh sé gur úsáid sé drugaí cúpla bliain ina dhiaidh sin, ní dheachaigh sé go maith dóibh. Cuirfear tús le Tour na bliana seo Dé Sathairn, agus tá an iomarca scannail feicthe ag an lucht féachana, agus shílfeá, ag na daoine a eagraíonn é.