Ní féidir le Leo agus Fine Gael na vótaí liatha a cheannach le €5 breise sa phinsean

is ceart cuimhneamh air sin. €5 dóibh, ní chuirfidh sé isteach ná amach orthu.

Gan dabht bheadh cúpla mí eile bainte amach ag an Rialtas murach comóradh an RIC.

Tá’s acu é sin anois ach gur thóg sé tamall maith é a admháil. Cheapas gur chaill Fianna Fáil rud éigin anseo.

Cheapas go raibh sé de cheart acu teacht amach ar an bpointe ag rá ná féidir linn glacadh leis seo agus dul ar an doirse ag rá go raibh Leo agus a chriú ag comóradh na nDúchrónach agus leanúint leis an líne sin. Beidh sé suimiúil cén sórt damáiste a dhéanfaidh sé do Fhine Gael, má dheineann sé aon díobháil in aon chor!

Bhí an scéal chomh mór agus nimhneach gur dheineamar dearúd ar an mBreatimeacht feadh tamaill agus gach a bhaineann leis sin agus ag obair go cruaidh sa chúlra bhí cuid don Rialtas - bhuel bhí an Tánaiste pé scéal é agus Stormont ar ais ar a sheanléim arís.

Bhí ábhar dóchais ann leis seo an uair seo. Trí bliana ó bhí Rialtas ansin agus bhí tamall ann agus bhíos ag rá liom fhéin ná raibh aon talamh coitianta idir an bheirt seo.

Céim ana-mhór ó thaobh teanga bainte amach acu. Níl ann ach ‘stepping stone’ a dúirt fear amháin liom.

Bí cúramach leis an líne sin arsa mise!

Leis an aiteas seo ar fad. Buann an Longfort ar Bhaile Átha Cliath sa chéad chluiche le Dessie Farrell. Beidh sé ar nós na bPinsinéirí agus an €5. Ní chuirfidh sé isteach ná amach air!