Daltaí PCD ag obair ar son na theifigh

ÓRLA Ní Bheaglaoich is ainm dom. Táimse agus mo chairde, Tríona Ní Shúilleabháin, Máirtín Ó Cathasaigh agus Ciarán Mac Gearailt san idirbhliain i bPobalscoil Chorca Dhuibhne. Mar pháirt d’ár dtionscnamh Oideachas Sóisialta, faoi stiúr an Iníon de Brún, bhailíomar bróga ar son na carthanachta ‘Jacket Off Your Back’. Is carthanacht iad seo a bhailíonn éadaí agus bróga do theifigh a bhíonn ag taisteal na hEorpa i rith an gheimhridh.

Chaitheamar dhá mhí á mbailiú mar go raibh cuid mhaith bróga ag teacht isteach chugainn ó dhaltaí na scoile, muintir na háite, bunscoileanna an cheantair agus Play at Height, sa Daingean agus i gCill Áirne. Bhí próiséas fada i gceist, bhí orainn na péirí a cheangailt le chéile agus ansin málaí a líonadh agus na péirí a chomhaireamh. Bhíomar lonnaithe i leabharlann na scoile, le cead ón bpríomhoide, Pádraig Firtéar.

Ba mhaith linn ár mbuíochas a ghabháil le foireann agus daltaí na scoile, na bunscoileanna áitiúil agus muintir na háite a bhí chomh cabhrach agus flaithiúil. Ár mbuíochas speisialta do Play at Height a chuir iliomad bróga ar fáil dúinn, a bhí bailithe mar chuid d’fheachtas bailiúchán éadaí acu féin.

Chomh maith le sin ba mhaith linn buíochas a ghabháil le n’ár bpríomhoide, Pádraig Firtéar, agus foireann na scoile a chuir áiseanna na scoile ar fáil dúinn.

Buíochas ar leith d’ár múinteoir Oideachas Sóisialta, Bernadait de Brún, a thug sár thacaíocht agus spreagadh dúinn. Ba mhór againn í.

Ar deireadh, tá thart ar 1,500 péire bróg bailithe againn agus tá súil againn go ndéanfaidh sé seo difríocht mhór i saol na dteifeach bochta atá go mór ina ngátar. Tugann sé sólás ó chroí dúinne go bhfeabhsóidh na bróga seo an saol dóibh píosa éigin. Go mairfidh is go gcaithfidh siad iad.

Photo by Declan Malone Transition Year pupils at Pobalscoil Chorca Dhuibhne have collected over 1,500 pairs of shoes which will be donated to the Jacket Off Your Back charity for distribution to refugees in Europe. Seen here with some of the many sacks of shoes are, from...