Óiche ceiliúradh agus comóradh

BHÍ árd oíche comóradh ag Cumann Caide na Gaeltachta Oíche Déardaoin, 29ú Nollaig, nuair a deineadh ceiliúradh ar fhóirne rathúla na mblianta 1970, 1976, agus 1991.

Ba é Seán Ó Catháin, Cathaoirleach an chumainn a bhí ina fhear tí agus ba é an iar-chomhairleoir contae agus iar-ball Údarás na Gaeltachta, Breandán Mac Gearailt a dhein an bronnadh. Bronnadh bonn comóradh 1916 ar imreoirí, lucht bainistíochta agus oifigigh na mblianta 1970, 1976 agus 1991.

Bhuaigh an fhoireann 1970 an ceathrú craobh Ciarraí Thiar as a chéile nuair a bhuadar ar Dhaingean Uí Chúis sa chluiche ceannais; bhuaigh foireann 1976 Craobh Sóisir Chiarraí nuair a bhuadar ar Lios a’ Phúca in ath-imirt – 40 bliain ó shin; agus bhuaigh foireann 1991 craobh Chiarraí Thiar nuair a bhuadar ar Abha ‘a’ Scáil an chéad uair ag an gcumann an éachat san a dhéanamh ó 1970.

Chomh maith deineadh bronnadh ar bheirt ón gcumann, Seán Mícheál Ó Conchúir agus Cathal Ó Lúing a bhuaigh boinn sóisir uile Éireann le Ciarraí i 2016 agus Seán Ó Lúing a bhuaigh bonn mionúir le Ciarraí. Deineadh bronnadh buíochais leis ar roinnt daoine a chabhraigh leis an gcumann i slite difriúla le roinnt blianta.

Ba mhaith leis an gcumann buíochas a ghabháil le Údarás Na Gaeltachta as urraíocht don ócáid agus le muintir an tí, tigh Pháidí. Lean an rince, ceol agus amhránaíocht déanach isteach san oíche.

Photos le Declan Malone Tony Ó Sé (Capt 1970), Tomás Misteál (Capt 1976) agus Richie Ó Mathúna (Capt 1991) ag an oíche ceiliúradh a bhí ag Cumann Caide na Gaeltacht i tigh Pháidí Uí Shé.

Dónal Ó Seaghadha, Seán Ó Catháin, Muiris Ó Fiannachta agus Muiris (An Lord) Ó Conchúir.

Seamus Cosaí Mac Gearailt, Ken Hamilton ó Dún Chaoin agus Baile Átha Cliath agus Páidí Ó Curráin.

Micí, Therese agus Steven Ó Conchúir.

Gearóid Mac an tSíthigh, an tAth Seosamh Ó Beaglaoí agus Joe Long.

Seán Ó Sé, Seán Ó Beaglaoich agus Piaras Feirtéar.

Bosco Ó Conchúir agus Breandán Mac Gearailt .

Margaret Nolan agus Cliodhna Nic Gearailt

Eoin Ó Sé agus Caitlín Uí Shé .