Miss Jamaica Doll

Mommy, I want a pretty, white dolly

Dis one dat look like Rapunzel Or dis likkle Barbie

Why not di Black one

Har hair too picky picky Mi want a Miss Jamaica Doll Wid hair tall and pretty

The Black one is pretty as a book

No Mom, I want one Wid di Miss Jamaica look No you sey Brownings

Wuck in Bank

While Black people tun Crook Den yu tell Aunt Nook To cream out my nappy look

Is di Black one yu can afford Well doan worry yaa Mommy Yu an’ Aunt Nook

Have nuff Harpic and Curry How mi know bout dat? Cause yu join di Michael Jackson World

From a pretty, black boy

To a changed White World

In any case

Di Black one way too fat And Dolly doan start happen Till collar bone start crack The aim is to look

Like a Somalian Sprat

But I can give har Immunogizer And trim down dat

So Mommy if I cyaa get a white one

A Brown one just as pretty Wha dat yu sey bout Marcus Garvey

Philosophy?

Oh Mommy, I know all about My Black History

Is yua did waan change Why I was being so tricky

So Mommy, please buy dat Pretty, Black Dolly

The one dat look like Davina Afro- Bold and Frizzy White not di only Standard of beauty

Is di message

I am preaching Beauty is now Afro-centric Since Davina do di teaching.