My man caught me cheating

Ladies, please ensure that your phone is off if yuh a go cheat, because my good, good relationship ended a few years ago over some sex weh not even did worth it.

The worst ting is that a one a him good fren’ mi sleep with, too.

Anyway, him and him fren was inseparable. Mi mean seh dem go everywhere together so till dem know each other secrets. A di only man dat him trust round mi, and him use to all go work and leave the two a wi alone at home. Him fren’ use to spend all nights at the house sometimes, so after a while wi kinda get close. Wi get even closer after him start tell mi how mi man did have other ooman and him wish a him did have mi, because mi man nuh appreciate good woman.

One day him gone a work and the fren’ come link mi and wi decide to go to a hotel. Wi start do wi ting and him give mi a fine piece a eating and right as mi a guh get down to business mi man call, so mi hurry and ansa him and tell him say mi and him brethren gone a supermarket and fling dung di phone and start back. STAR, when di man enter mi body mi bawl out him name because him did aggressive bad, like him a rush. Let’s just say him never last five minutes, because him determine say him have to finish first. All this time the phone line open and mi never know.

Wi bathe and mi go back a mi yard with likkle grocery. Lo and behold, a mi man dat a wait for me and tell mi to check mi phone. Mi almost drop dung when mi see say the phone line open fi almost an hour. Mi freeze same time. Mi wah run and mi couldn’t run, because the first box weh reach mi mek mi ears ring. Him never lick mi again, but him disgrace mi loud until crowd form a mi gate. Him dash out mi tings the same day.

Long story short, him and the fren’ still link because dem seh bros over hoes.