Тағы бір жеңіс
Қызмет көрсетудің керемет сапасының арқасында «Эйр Астана» Skytrax нұсқасы бойынша «Орталық Азия мен Үндістанның ең үздік әуе компаниясы» номинациясында жеңіске жетіп, алты жыл қатарынан өзінің төрт жұлдыздық рейтингін дәлелдеп отыр. Одан бөлек, әуе компаниясы «Орталық Азия мен Үндістандағы ең үздік борттық қызмет көрсету» номинациясындағы жүлдені бесінші рет қатарынан алды. Сыйлық жеңімпаздарын марапаттаудың құрметті рәсімі 2017 жылғы 20 маусымда Ле-Буржедегі 52-ші Париж әуе шоуында болып өтті.
«Эйр Астана» әуе компаниясының президенті Питер Фостер: «Компанияның әр қызметкері мінсіз сервис ұсынуға бағдарланған, сондықтан біз үшін осы награданы алу — үлкен құрмет. Біз Skytrax сауалнамасы барысында клиенттеріміздің орасан үлкен қолдау көрсеткендерін аса бағалаймыз. Алдағы уақытта біз одан да жоғары стандарттарға ұмтылуымызды жалғастырамыз», - деді.
«Эйр Астананың» ТМД және Шығыс Еуропа елдерінің арасында 2012 жылы Skytrax халықаралық агенттігінің беделді 4 жұлдыз рейтингіне және Орталық Азия мен Үндістандағы ең үздік әуе компаниясы атағына ие болған ең бірінші тасымалдаушы екенін атап өту керек. Қос награда да 2013, 2014, 2015, 2016 және 2017 жылдарда расталды.