Тағдырларды қосу
Әуе компаниясы елорда кинотеатрларының бірінде «Эйр Астана»: тағдырларды қосу!» деректі фильмін көрсетті. Режиссері — Жанна Балақаева. Фильмнің сюжеті Қазақстаннан тыс жерлерде тұратын, бірақ тарихи отанымен байланыстарын сақтаған отандастарымыздың өміртарихына негізделген. Кейбіреулері елден көшіп кетуге мәжбүр болса, ал енді біреулері шетелде туылған, бірақ солардың барлығын өз атажұртына деген сүйіспеншілік пен құрмет біріктіреді. Фильмнің кейіпкерлері — Ганноверде тұратын Павлодар облысының тумасы, дәрігер-травматолог Эвальд Геринг, Омбыда тұратын Сібірлік қазақ мәдени орталығының басшысы Алтынай Жүнісова, Түркияда тұратын Қазақстан тарихының оқытушысы Абдулвахап Кара, сондай-ақ Airbus компаниясының қызметкері, қазақ футбол клубының менеджері, Францияда тұратын Сельчук Биюкли, жазушы және Қытайдағы ақындар мен сценаристер қауымдастығының жетекшісі Акбар Мажит, Франкфуртта тұратын және орыс камералық филармониясында жұмыс істейтін бұрынғы алматылық Фарида Чулакова.