«Эйр Астананың» тренинг-академиясы
Біздің әуе компаниямыздың жақсы атағы мен сервистің жоғары сапасы үшін алған наградаларының нәтижесі Air Astana Training Academy — компания мамандарын оқыту және даярлау академиясының ашылуы болды. Академия жолаушыларға қызмет көрсету, коммуникативтік машықтар, көшбасшылық, командалық жұмыс, сондай-ақ техникалық дайындық сияқты салаларда кең ауқымдағы түрлі бағдарламалар мен консультациялық қызметтерді ұсынады — және бұлар тек бағыттардың бір бөлігі ғана. Біз өз қызметтерімізді барлық ұйымдарға ұсынамыз, бірақ отельдер, ресторандар және курорттар тарапынан ерекше қызығушылық танытылды. Академия жуырда «Қазақстан Темір Жолы» ҰК» АҚ-ның темір жол жолаушыларына қызмет көрсету саласында жұмыс істейтін қызметкерлерін оқыта бастады. Биылғы жылы осы компанияның 1 200-ден аса қызметкері бізде дайындықтан өтетіндігі белгілі.