Орал – Франкфурт жаңа рейсі
«Эйр Астана» 2017 жылғы 14 маусымнан бастап Орал – Франкфурт маршруты бойынша әр сәрсенбі сайын ұшатын жаңа тікелей рейсті іске қосты. Әріптес әуе компанияларымен жасалған келісімдердің арқасында осы рейстің жолаушылары Франкфуртта Еуропаға және Солтүстік Америкаға ұшатын ыңғайлы тоғысуларды пайдалана алады. Рейстерді эконом-класс салонында
132 және бизнес-класс салонында 16 орынмен жабдықталған Airbus A320 әуе кемесі орындайды. Ұшу ұзақтығы — 4 сағат 20 минут. Әуе лайнерінде ағымдық видео қызметі ұсынылады, соның арқасында жолаушылар уақыт оздыратын борттық жүйені пайдалана және өздерінің электронды құрылғыларында киноның, музыканың соңғы, жаңа туындыларымен және танымал журналдармен таныса алады.