Британдық орындаушылармен жазылған альбомдар
Осыған дейін айтқанымдай, бұл қайсыбір жаңсақтық болған жоқ, бір жолы жүрегім сен эстрадаға уақытыңды жойма, жазылған дүниелеріңді жетілдірумен және реттеумен, жаңа шығармаларыңды анағұрлым нәзік деңгейде жазумен айналыс деді. Бұл ешкім және ешқашан басқа адамның арманын аяқтай алмайтынын ұғыну мезеті еді.
Мен мәдени мұра қалдыруға тиіспін деген идея басымнан кетпей қойды. Бұрын жазған әуендерімнің классика жанрында орындауға әбден лайық екені анықталды, тек жеке бөлімдерін ғана қосып жазу қалды. Сонымен қатар, мен жаңа шығармалар жазуымды жалғастырдым. Оған бірнеше жыл уақытым кетті және орасан үлкен күшжігер жұмсадым. Үш жылдан астам уақыт ішінде мен әлемнің үздік оркестрлерінің төрттігіне кіретін London Symphony Orchestra сияқты ғажайып орындаушылармен жұмыс істедім. Содан кейін Abbey Road студиясында Оскар сыйлығын алған фильмдерге жазған саундтректерімен әйгілі болған және музыканттардың арасында бейресми түрде Англияның ең үздік оркестрлерінің бірі болып саналатын London Metropolitan Orchestra оркестрімен таныстым. Олармен мен
16 трек жаздым. Ал көктемде өзім бұрыннан
армандап жүрген, аты аңызға айналған
Royal Philharmonic Orchestra оркестрімен жұмыс істей бастадым. 2018 жылы Лондонда өткізілетін концертті нақ осы оркестрмен талқылап жатырмыз. Маған пианист Джон Ленехан және виолончелист Александр Бэйли сияқты белгілі британдық музыканттармен жұмыс істеу бақыты бұйырды. Оркестрмен төрт композицияны жазуға атақты London Voices хоры қатысты. Жақында ғана британдық саундпродюсер Джонатан Аллен өте танымал хорватиялық пианист Максим Мрвицаның өзінің жаңа альбомы үшін Загребтік филармония оркестрімен менің Remember Me композициямды жазғысы келетінін хабарлады. Бұл өте жақсы жаңалық, өйткені нағыз хиттер өздерінің дербес өмірін нақ осылай бастайды. Тамыз айында әлемнің барлық сандық платформаларында менің екі жаңа альбомым шықты, сәл кейінірек олар физикалық түрде пайда болады. Біріншісі — Джон Ленеханның орындауындағы фортепиано солосына арналған Celestial. Екінші жинақ — Waves from Heaven 12 композициядан тұрады, оларды барлық үш оркестр — London Symphony Orchestra, Royal Philharmonic Orchestra және London Metropolitan Orchestra орындады, оларға британдық әйгілі өнер шеберлері: Ұлттық ағылшын балетінің директоры Гэвин Сазерленд, Энди Браун және Ричард Балкомб дирижерлік етті. Осы жазбаларға атақты саундпродюсерлер: Grammy жеңімпазы Стив Маклафин, Grammy номинанты Крис Кракер және BAFTA сыйлығының иегері Джонатан Аллен қатысты. Мастерингті Gramophone сыйлығының төрт мәрте иегері және екі мәрте Grammy номинанты Эндрю Уолтер жасады.