Аюрведа, теңіз, би
Кераладағы күз — демалыс үшін ең тыныш, ал жасару мен сауығудың ежелгі үнділік әдістемесі — аюрведа бойынша емделуге ең шырайлы мезгіл, аюрведа дәл осы бірегей жерде пайда болған. Міне, 5 мың жылдан көп уақыт бойы аюрведа шеберлері Кераланың сауықтыру орталықтарында адамның тек тәнін ғана емес, жанын да емдеп келеді. Ғаламшардың шартарапынан адамдар осында орналасқан аюрведалық детокскурорттар мен клиникаларға сұлулық, денсаулық пен сымбаттылық үшін келеді. Мұндағы маусым наурыз айының аяғына дейін созылады.
Керала клиникаларының көпшілігі шамамен бағдарламалардың бірдей жиынтығын ұсынады: ағзаны тазалау, жасарту, салмақты түсіру, антистресс, ұзақ өмір сүру, сұлулық бағдарламалары мен жекелеген ауруларды емдеу. Бағдарламаның әрқайсысы не панчакарманың — ағзаны тазалаудың аюрведалық жүйесінің, не расаянаның — қалпына келтіру және жасарту жүйесінің негізінде әзірленген.
Осында келгенде, сіздер жағымдыны пайдалымен ұштастыра аласыздар. Теңіз жағасындағы отельді таңдасаңыздар, сіздер таңертең йога нұсқаушысымен жаттығасыздар, күндіз, аптап күшіне мініп тұрғанда дәрігер тағайындаған процедураларды қабылдайсыздар, ал кешке қарай ерке толқындары аймалаған
жып-жылы теңізге шомылып, аппақ құмды жағажайларда күнге қыздырынасыздар.
Одан бөлек, сіздер кешкі мезгілді жергілікті мәдениетпен танысуға арнай аласыздар.
Керала халқының рухы орындаушылық өнерде шырқау биігіне жетеді: катхакали — би драмасының қатаң ережелерін ұстанатын, бір жарым мың жылға жуық бұрын пайда болған біршама нәзік би, сондай-ақ мохини-аттам — Үндістанның классикалық билерінің ішіндегі ең лирикалық билердің бірі. Катхакалиді дәстүрлі түрде айлы түні ашық жерде және таң атқанша орындайтын болған. Оның сюжеті, қағида бойынша, көне үнділік «Махабхарата» мен «Рамаяна» эпостарынан алынған көріністер болады. Катхакалиді арнаулы мектептерде дайындалатын ер адамдар орындайды. Оқыту 11 жастан басталады және 5-6 жылға созылады. Мохини-аттам өнеріне, керісінше, тек қыз балаларды ғана үйретеді. «Мохини» сөзі — арусиқыршы, «аттам» би деген мағынаны білдіреді. Демек мохини-аттам — сиқыршы сұлудың биі. Театр-би өнерінің классикалық және халықтық түрлерінің сыртында әскери каларипаятту өнері тас қамалдың қабырғасындай қорған болып тұр. Оның көне екені соншалық, қытайдың атақты кунг-фуының арғы тегі болып табылады екен. Каларипаяттуды соның негізінде пайда болған көптеген шығыс жекпе-жектерінің «атасы» деп айтуға болады.
Осылардың бәрін — катхакали орындаушылары мен мохини-аттам биші қыздарының ғажайып өнерлерін және тіпті каларипаятту палуандарының жекпе-жектерін де аюрведалық керемет резорттардың бірі — Xandari Pearl-ден тамашалай аласыздар, ол Марари жағажайының шуақты жағалауына орналасқан.