Кераладан не әкелу керек?
Міндетті түрде масала-шайдың дәмін татып көріңіздер, бұл бойды сергітетін хош иісті сусынды «жылы» деп аталатын дәмдеуіштерді қосып дайындайды. Осы шайды дайындау рецептерінің көпшілігінде кардамон, даршын, зімбір, фенхель дәндері, қара бұрыш пен қалампыр дәмдеуіштерінің бір немесе бірнеше түрлері пайдаланылады. Солардың бәрін қосып қайнатады және оны ыстық сүтпен араластырады. Осы сусынның дәмін татқаннан кейін сіздер оны шамалы мөлшерде болса да өздеріңізбен ала кеткілеріңіз келеді.
Және, әрине, дәмдеуіштер мен дәмқосарларды сатып алуды ұмытпаңыздар, олар өздерінің хош иістерімен лагуналардың, каналдардың, су қойнауларының, кокос пальмаларының, жағажайлар мен джунглидің ғажайып өлкесі туралы естеріңізге салып тұрады.
Бірақ ең бастысы — «құдайлар еліне» келесі келгендеріңізге дейін денсаулықтарыңызды сақтап тұратын, дәрігер жазып берген аюрведалық дәрідәрмектер курсы.