Мәтіні Әлжан Құсайынова фото Shutterstock
Ганьсу провинциясы Қытайдың ең шетінде орналасқан, ол — Аспан асты елінің солтүстік-батыс форпосты. Осы өңір әлемге ең алдымен Ұлы Жібек жолының арқасында белгілі болды.
Бұдан көп ғасырлар бұрын нақ осы жерден, Дуньхуан қақпасы арқылы саудагерлердің керуендері Орталық Азия далаларымен Еуропаға қытайдың дәстүрлі бағалы заттарын — жібек, нефрит, оқ-дәрі мен қағаз тасыған. Кері қарай дәл осы қақпа арқылы әуелден конфуциандық Қытайға көршілердің діндері: Үндістаннан буддизм, Еуропадан христиандық және араб исламы сыналап еніп отырған. Бұл жердің елдегі ең мультимәдени өңірлердің бірі болып отырғаны таң қалдырмайды, бүгінде мұнда Қытайдағы шағын халықтардың өкілдері тұрады. Тибеттегі ламаистік монастырьлар дүнгендер мен ұйғырлар мешіттерінің мұнараларымен, қытайлардың даостық храмдарымен және монғолдардың буддалық дацандарымен бейбіт қатарласып тіршілік етеді.