Түрлі-түсті провинция
Провинция ландшафтарға бай: мұнда
Монғол жазығының байтақ далалары, Тибет таулы қыратының биік жоталары, Гоби шөлінің сусымалы барқан құмдары, ақыр соңында Хуанхэ айбынды өзені бар. Жинақы террассалары төменге жылжыған әдемі таулар ұшар биіктен динозаврлардың жыртқыш омыртқаларына ұқсаса, ал жақынырақтан тып-тыныш алып тассүңгілер мен ертегідегі құбыжықтар сияқты бұлдыр сұлбалар көрінеді. Ара-тұра олар қоңыр-қызғылттан ашық сары, жасыл және қызыл түске дейін өзгеріп, құбылып тұрады. Қытайлар Ұлы Хуанхэ Ана деп атайтын Сары өзен де өз атын әрдайым ақтай бермейді, әр түрлі түстердің реңктеріне боялып, ақшыл көк түстен қанық көкшіл түске дейін өзгеріп тұрады. Жібек жолының Қытай мен Орталық Азия арасындағы «алтын бөлігі» ретінде белгілі өңір бізбен ежелден байланысты. Ара-тұра Ганьсу біздің туған Қазақстанымызға қатты ұқсайды: мұнда да жазық далалар, жылқылар, көшпелі халықтардың киіз үйлері өте көп. Сонымен бірге, өңірдің түсті металдар өндірумен, астық өндірісімен және Гоби шөлінің қақ ортасындағы жергілікті «Байқоңыр» — Цзюцюань ғарыш айлағымен даңқы шыққан.