Экология

Ганьсу — Қытайдың ең қуаң провинциясы, сондықтан мұнда жердің шөлге айналуына қарсы белсенді күрес жүргізіледі. Екпе ағаштар өсіру бойынша жобалар іске асырылады, дамбалар мен су қоймалары, жел генераторлары, күн панельдері мен тамақ пісіруге арналған гелиоплиталар салынады — осылардың барлығы экологияға мемлекеттік идеология деңгейінде ойластырылған саналы қатынасты көрсетеді. Бұл тіпті ұсақ-түйектен де көрініп тұрады, мұнда пластик пакеттерді пайдалануға тыйым салынған — Тибет автономды

округінің дүкендерінде тауарлар салу үшін тек экопакеттер ғана беріледі. Осында болған бес күннің ішінде қытайлардың өнеркәсіптік дүрлікпені ғана бастан кешіріп қоймай, сонымен қатар, ел ішінде жасыл революцияны қарыштатқандарына көзім жетті. Юнцзин төңірегіндегі саз бен құмдауыттан құралған жып-жылтыр тауларға тездетіп ағаш өсіреді, олар тау баурайларын көшкіннен бұзылудан сақтайды. Осылардың барлығы бұдан шамалы бұрын ғана елдің ең депрессиялы аймағы болып есептеліп келген шалғай провинцияда болып жатыр. Қытай үкіметі осы өңірге инвестициялар тартуын жалғастыруда, Жібек жолының негізгі форпосты ретіндегі өңірдің бұрынғы даңқын жаңғырту үшін кедейшілікпен күресу бағдарламасын жүргізеді. Нәтижесінде жергілікті халықтың тұрмыс деңгейі көпекөрінеу өсті: жұмыссыздық жоқ, бірақ медицина қолжетімді, мектеп білімі тегін, әлеуметтік жеңілдіктер бар. Мектепте оқитын жергілікті қыздар: «Бұрын біздің тұрмысымыз дәл осындай жақсы болған емес. Бір кездері Юнцзиннің түкпірдегі кедей балықшылар деревнясы болғаны есімізде, мұнда бірде-бір турист аяқ баспайтын еді», - деп жиі мойындайды. Яғни, өзгерістер бірте-бірте болып отырған. Бүгінде ішкі туризмді дамытудың арқасында өңірге кеңбайтақ Қытайдың шартарапынан туристер келеді — жердің шетіндегі батыс өңір тіпті солар үшін де экзотикалы. Туристермен бірге бюджетке ақша құйылып, өлке гүлденіп, жаңа бояулармен құлпыра түсуде.