Адамдары мен әдет-ғұрыптары
Сыбырға ұқсап, әуезді үнмен сызылып шығатын қытайдың құйқылжыған сиқырлы музыкасы көшелердегі немесе әуежайдағы үйреншікті дабырласқан сөздерге мүлде үйлеспейді. Аспан асты елінің жас және орта жастағы тұрғындары бір топ шулы қарғалар сияқты улап-шулап жүреді, әрі олар бір мезгілде айғайлайды және барлығы бірдей қатар күледі. Қатты шыққан эмоциялар ернеуінен асып жатады. Осындай шуға үйрену қиын. Айтпақшы, оны өзімнің елден алған мәдени жеке пікірімнің еншісіне қалдырып, байқағаным, қытайлар — өте кішіпейіл және ашық жарқын халық, жеке қатынаста олар тіпті сыпайы да елгезек жандар. Жергілікті қарттар мүлде басқаша әсер қалдырады. Солардың көпшілігі, қазіргі жастар сәнді жолқапшықтар асынып алған сияқты, еш қысылып-қымтырылмастан жеңіл орындықтарын алып жүреді. Ешбір алаңсыз қалаған жерлеріне отыра салады. Жайғасып алып, айналадағы әбігершілікті бақылайды және өзен жағасындағы тіршілікті — шүйіркелесе әңгіме-дүкен құрып немесе кіп-кішкентай термостарынан көк шай құйып ішіп, ақырын ғана тамашалап отырады, олар өз үйлерін арқалап жүретін тасбақаларға ұқсайды.