Марта Фернанда де ла Санча, коммуникациялар және қоғамдастықпен байланыс жөніндегі маман
Эспириту-санту
Мен үшін әлемдегі ең сүйікті орын — Эспириту-санту аралы, ол Мексиканың Оңтүстік Төменгі Калифорния штатындағы
Ла-пас қаласынан алыс емес жерде орналасқан. Осы айбынды аралдағы орасан үлкен шөл жартастарының қасында адам өзін мүлде кіп-кішкентай сезінеді. Аралға баратын жолда кит акулаларын кездестіруге болады, ал аралдың өзінде сіздер теңіз арыстандарымен бірге жүзу арқылы керемет тәжірибе аласыздар. Ұшы-қиырсыз Кортес теңізімен және ту сырттағы Эспиритусанту шөлімен оңаша қалған сіздер шын ләззат аласыздар және қуанышқа бөленесіздер. Осы нағыз сиқырлы да ғажайып арал сіздерді дүниедегінің бәрін де ұмытуға мәжбүр етеді. Бұл — сіздер теңіздің аймалаған самалымен және ыстық шөлдің ауасымен тыныстап, рақатқа бататын орын, бұл — тәнті болғаннан сіздердің тілдеріңіз байланып қалатын орын, ол ешкімді бей-жай қалдырмайды.