Сихаме Эльканони, бизнесвумен
Мерзуга Марокко аумағында орналасқан. Осы жер туралы бұрын-соңды естігендеріңіз бар ма деп кез келген адамнан сұрап көріңіздерші, сонда сіздер ол туралы санаулы адамдардың ғана білетінін түсінесіздер. Адамдардың 99 пайызы Марракеш, Касабланка, Агадир немесе Фес туралы біледі, дегенмен, шағын Мерзуга деревнясы сіздерді бүкіл саяхат кезінде қызықтырып әкетіп, зеріктірмейді. Ол шөл далада, құм төбелері, түйелері мен бәдәуилері бар нағыз марокколық Сахараның ең қиыр шетінде орналасқан. Мұнда бәрі де ғажайып. Мерзуга шын мәнінде — Сахараның қақпалары. Күн сайын туристер түйеге немесе квадроциклдерге мініп, осы өзгеше орыннан керемет әсерлер алу үшін Мерзугаға тартып отырады. Мерзуга күннің мезгілі мен жарыққа қарай сәт сайын өзгеріп тұрады, сондықтан фотоаппараттың жарқылымен немесе жарқылынсыз түсірілген фотосуреттер әр түрлі болып шығады.