Аниса Куанова, БҰҰ қызметкері
Мен әлі болмаған жерлер өте көп, бірақ қайта-қайта орала бергім келетін орындар тым аз! Стамбул — әлемдегі мен қалайтын және сүйетін мегаполистердің бірі. Егер тіпті Франкфурт, Мәскеу және Стамбул арасындағы тоғысуды таңдайтын транзитпен ұшуға тура келетін болса да, екі сағаттай аялдайтын мүмкіндік болса, мен соңғысын таңдаймын. Меніңше, осы қалаға деген сүйіспеншілігім түрік шаһарында соншалықты жарасымды үйлесім тапқан шығыс және батыс мәдениеттерінің етене араласып кетуінен туындаса керек. Рим, Византия және Осман империялары дәуірлерінен өткен қаланың тартымды болмауы мүмкін емес. Босфор бұғазының жағасында шығыс музыкасының әуенін тыңдап, бір шыныаяқ түрік шайын ішіп отырғанда, мен Стамбулға міндетті түрде қайта-қайта келе беретінімді түсінемін.