Ақтау

Маңғыстау облысы Қазақстанның батысында орналасқан, оның әкімшілік орталығы — Ақтау қаласы. Қала 1991 жылға дейін XIX ғасырда осында жер аударылған украиналық ақын және суретші — Шевченконың есімімен аталып келді. Ақтауда мұнай және уран өнеркәсібі, сондай-ақ теңіз жүк тасымалдары дамыған. Ол — Каспий теңізінің бойында керемет жағалауы бар елдегі жалғыз-ақ қала, жағалауда теңіздің кермек ауасын жұтып, серуендеу жанды жадыратады. Мұндағы жағажай маусымы бүкіл жаз бойы созылады, бірақ теңіздің суы салқын болады және Цельсий шкаласымен

+18 +20 градустан аспайды. Ақтаудың Қазақстанның басқа қалаларынан айырмашылығы — қала көшелерінің аттары жоқ, мұнда шағын аудандардың нөмірлері бағдар болады. Тұрғын үйлердің бірінің төбесіне маяк орнатылған. Осындай маяктар әлемнің тек бірнеше қалаларында ғана кездеседі.