Дивали, Үндістан
Осы мереке кезінде жаппай жағылатын от жарықтары тіпті ғарыштан да көрінеді деседі. Дивали мерекесінде түрлі-түсті әсем отшашулар жарқырап, адамдар байлық пен ырыс-берекенің әйел құдайы Лакшмидің ықыласын аудару үшін өз үйлерінің айналасына дәстүрлі дипа шамдалдары мен шырақтар жағады. Жарықтың молдығынан Дивалиді еуропалық Жаңа жылмен жиі салыстырады. От фестивалі жарықтың қараңғы түнекті, жақсылықтың жамандықты жеңуін рәсімдейді және бес күн бойы атап өтіледі.