Жаңа Embraer E190-E2 ұшақтарына келісімшарт
«Эйр Астана» Embraer E190-E2 бес ұшағын Aercap компаниясынан ұзақ мерзімді лизингке сатып алу шартына қол қойды. Ұшақтарды жеткізу 2018 жылғы төртінші тоқсанда басталады. «Эйр Астана» әуе компаниясының президенті Питер Фостер: «Сатып алынатын Е2 ұшақтары 2011 жылдан бері ұшуларды ойдағыдай орындап келе жатқан біздің Е190 ұшақтарымызды ауыстырады. Нақ осы Embraer-е190 ұшақтары Ресейдің оңтүстігіне, Кавказға және
Орталық Азияға, сондай-ақ бірқатар ішкі бағыттарға ұшуды орындау мүмкіндігін ашып берді. Ішкі және халықаралық бағыттарда бәсекенің өсуіне байланысты Е2 әрбір жолаушы орнына 15%-дық үнемдеуді қамтамасыз етеді деп күтудеміз, бұл бізге тасымалдау сыйымдылығы мен өзіміздің нарықтағы қатысу үлесімізді арттыруға және әуе тасымалдары бойынша өңірдегі көшбасшылық мәртебемізді нығайтуға мүмкіндік береді», – деп атап өтті.