Бірінші жартыжылдық қорытындылары
Әуе компаниясы 2017 жылғы қаңтар айынан маусым айына дейін 1,9 миллионға жуық жолаушы тасымалдады. Солардың ішінде 1 млн. адам — Қазақстан бойынша, қалғандары халықаралық бағыттарда саяхат жасады. Жалпы жолаушылар ағыны өткен жылдың осындай кезеңімен салыстырғанда 12%-ға артты. Ішкі маршруттардағы жолаушылар ағынының өсімі 4%ды құрады, бұл ретте халықаралық трафик Астана мен Алматының торапты әуежайларына аялдайтын транзиттік жолаушылар санының көбеюі арқасында 22%-ға өсті. Транзиттік жолаушылар ағынының өсімі 62%-ды құрады. Жүк айналымы осы кезеңде 22%-ға ұлғайды.