Конкурс жеңімпаздарын Лондонға жібереміз
«Эйр Астана» Крэнфилд университетіндегі аэроғарыштық технологиялар бағдарламасы бойынша арнаулы курстарға қазақстандық студенттер мен оқытушылар тобының қатысуын қолдап, оларды Лондонға тегін ұшырды. Ұлыбританияға ұшудың алдында студенттер ұлттық әуе тасымалдаушысының ЭКСПО көрмесіндегі стендін барып көрді. Студенттерді Қазақстанның 16 өңірінде тұратын тұрғындардың арасынан іріктеді. Іріктеу осы жылдың маусым айында Астана қаласында үш күн бойы жүргізілді. Семинар бағдарламасына авиациялық ғылымдар мен технологиялар жөніндегі бағдарлама басшысы Гай Грэттонның, аэродинамика және борттық өлшемдер бағдарламасының профессоры Ник Лоусонның дәрістері, сондайақ авиациялық индустрияның бүкіл әлемге әйгілі басқа да лекторлары мен кәсіби мамандарының дәрістері кірді. Студенттер аэродинамикалық құбырда ұшып, Boeing 737-400 әуе кемесінде, сондай-ақ әлемдегі ең ірі Airlander 10 дирижаблінде болып көрді.
Осы бағдарламаның бастамасын ҚР Әділет министрлігі, Samrukkazyna Trust әлеуметтік жобаларды дамыту қоры, Назарбаев Университеті және «Эйр Астана» көтерді.