Жарық фестивалі
Жыл сайын Амстердам Рождество мен Жаңа жылдың қарсаңында жарық конструкциясына бөленеді, ал жарық фестивалі оны аса салтанатты етеді. Биылғы жылы мерекені ұйымдастырушылар көптеген тосын сыйлар дайындады. Суретшілердің, дизайншылар мен сәулетшілердің
40-тан аса жұмыстары мен инсталляциялары Амстердамның орталығын жарықтандырады, соның ішінде Қытайдың диссидент-суретшісі Ай Вэйвэйдің экзистенциалды жұмысы да бар. Фестивальдің судағы маршруты Water Colors деп аталады. Херенграхт арнасына ерекше назар аударыңыздар — арнада қызықты нысандар бойынша арнайы экскурсиялар ұйымдастырылады, олармен тек кәсіби гид қана таныстыра алады. Фестиваль аясында басқа да көптеген іс-шаралар — мұражайларда, ресторандарда, театрлар мен шопингмоллдарда өтеді, олардың көпшілігіне тегін кіруге болады.
Қашан және қайда: 30 қарашадан 21 қаңтарға дейін экспозициялар қаланың екі бөлігіне: Херенграхт арнасы бойынша және Веспербуурт эн Плантаж ескі ауданының орталығында шоғырланады. Амстердам, Нидерланды. Толық ақпарат www.amsterdamlightfestival.com сайтында.