Джан Гёкташ, отельдің бас менеджері
Шын мәнінде сүйікті қаланы таңдау, содан кейін оны жүз сөзбен сипаттап беру мүмкін емес. Алайда, Наполеон айтқандай: «Егер бүкіл жер жүзі бір ел болса, онда сол елдің астанасы Стамбул болар еді». Қала керемет жерге орналасқан — ол Босфор бұғазы жағасының екі жақ қапталын да жайлайды; онда сауда қызу жүретін базарлар, айшықты мешіттер, сән-салтанатты сарайлар, мұражайлар, сурет галереялары мен әлемдік деңгейдегі ресторандар өте көп. Ескі шаһардың тас төселген тар көшелерінде бірегей көне ағаш үйлер бой түзеген. Оңтүстікте Мәрмәр теңізінің жарқыраған көгілдір сулары өзіне еліктіріп шақырады. Солтүстікте сіздерді Бейоғлы ойын-сауықтар ауданының жарқыраған және қонақжай оттары қарсы алады. Алматы — менің екінші сүйікті қалам. Оның жасыл желегі мен тазалығы, тұрғындарының ақжарқын көңілдері мен жылы жүздері сияқты, басқа қалаларға үлгі болады. Алматыға келіңіздер, оның мәдениетін және тарихтың іздерін сезіну үшін қаланы аралаңыздар.