Стрит-фуд
Амстердамда кез келген талғамға сай кафелер, ресторандар, барлар мен жеңіл-желпі дәм тату мен ішімдік ішуге арналған орындар қисапсыз көп, бірақ жәрмеңкелер мен базарлардың жанынан өтіп кету үлкен жаңсақтық болар еді, олардан дәстүрлі голландиялық тағамдардың да, сондай-ақ басқа да әлемдік гастрономия өнімдерінің де дәмін татып көруге болады.
Қала орталығындағы Albert Cuyp базары демалыс күндерінсіз жұмыс істейді, ол 9.00-ден 17.00-ге дейін ашық. Бұл жерден тамақ пен киім-кешек, жиһаз бен кәдесыйлар, ыдыс-аяқ пен антиквариат сатып алуға болады. Нағыз қазыналарға толы қызықты дүкендер түкке тұрмайтын ең арзан бұйымдарға лық толы контейнерлермен қатар түзейді — базардың аты базар ғой. Солардың барлығы нан-тоқаштың, жемістердің, балықтың, тауықтың, шоколадтың, қысқасы — неше түрлі дәмнің хош иістері мұрынды жаратын кішкентай кафелермен, шағын асханалармен, фургондармен кезектесіп тұрады!
Ең алдымен ненің дәмін тату керек? Әрине, бүкіл әлемге белгілі голландиялық майшабақтың. Егер сіздер пияз бен тұздалған қияр қосылған майшабақты орыстар ойлап тапты деп