Ұшу қауіпсіздігі жөніндегі семинар
«Эйр Астана» Алматыда ұшу қауіпсіздігі бойынша
«Қауіпсіздік тәуекелдерін сапалы басқару» тақырыбында
3-ші өңірлік семинар өткізді. IATA, ICAO, әлемдік шетелдік әуе компанияларының, сондай-ақ Airbus компаниясының мамандары спикерлер болды. Кездесуге Қазақстандағы авиация биліктері мен әуе компанияларының қызметкерлері, сондай-ақ Ресейден, Қытайдан, Тәжікстаннан, Қырғызстаннан, Канададан, БАӘ және Еуропадан келген әріптестер қатысты. Семинардың мақсаты — білім және тәжірибе алмасу, ұшу қауіпсіздігін басқару жүйесін жетілдіру және тәуекел факторларын басқару. «Эйр Астана» өкілдері ұшуларды жүргізу кезінде тәуекелдерді басқарудағы өз тәжірибесі мен инженерлік-техникалық қызмет көрсетудегі адам факторы туралы айтып берді.