Visit Almaty ақпараттық орталығы

Алматыдағы туризмге байланысты барлық сұрақтар бойынша енді арнайы ақпараттық орталыққа хабарласуға болады, онда сіздерге консультация беріп, карталарды, жол көрсеткіштерді, таулы маршруттардың атластарын, туроператорлардың брошюраларын және алдағы мәдени-бұқаралық іс-шаралар туралы ақпаратты ұсынады. Орталықта экскурсияларға тапсырыс беруге, кәдесыйлық өнімдерді және ең бастысы — шетелдік туристерге бейімделген ұялы байланыс операторларының Simкарталарын сатып алуға болады. Таяуда кеңінен танылған қалалық локацияларда ақпараттық туристік киоскілер ашу жоспарланып отыр. Орталық құру тәжірибесі Париж, Лондон, Дубай, Нью-йорк және Барселона сияқты қалалардан алынды. Толық ақпарат www.visitalmaty.kz сайтында, ол кейіннен жеті тілде қолжетімді болады. Қашан және қайда: күн сайын, сағат 9.00-ден 19.00-ге дейін, Бөгенбай батыр к-сі, 81/36, Алматы.