ЭКСПО туристік аймағы
Халықаралық мамандандырылған көрме аяқталғаннан кейін тура екі айдан соң, өткен жылдың қараша айында «Астана ЭКСПО-2017» ұлттық компаниясы көрме кешенінің туристік аймағын келушілер үшін ресми түрде ашты. Оған қазір Болашақ энергиясының мұражайына айналған «Нұр Әлем» павильоны, әлемнің 13 елінен жаңғыртылатын энергия көздері саласындағы ең үздік 24 әлемдік жоба ұсынылған «Үздік тәжірибелер аймағы», тақырыптық павильондар және Қазақстандағы алғашқы қазіргі заманғы өнер орталығы орналасқан Арт-орталық кірді. Келушілерге ыңғайлы болуы үшін мұнда ресторандар, кафелер, фудкорттар жұмыс істейді. Естеріңізге сала кетейік, ЭКСПО-2017 «Болашақ энергиясы» халықаралық мамандандырылған көрмесі Астанада 2017 жылғы 10 маусымнан 10 қыркүйекке дейін өтті, оны 3 миллион 860 мыңнан астам адам келіп көрді.
Қашан және қайда: сейсенбі-жұма: сағат 10.00-ден 20.00-ге дейін; сенбіжексенбі: сағат 10.00-ден 21.00-ге дейін, Экспо-қалашық, Астана.