Тмд-дағы ең үздік тау шаңғысы курорты
«Турстат» талдамалық агенттігі осы қысқы маусымға Тмд-дағы тау шаңғысы курорттарының рейтингін құрастырды. Қазақстандағы, Әзірбайжандағы, Белоруссиядағы, Армения мен Өзбекстандағы курорттар ең жақсылары болып танылды. Тау шаңғысы мен сноубординг демалысының үздік 10 базасының тізімінде Шымбұлақ (Қазақстан) топ жарса, одан соң Шахдаг (Әзірбайжан), Силичи (Белоруссия), Цахкадзор (Армения), Шымған (Өзбекстан), Қаракөл (Қырғызстан), Логойск (Белоруссия), Туфандаг (Әзірбайжан),
Алтай Альпісі (Қазақстан) және Якут (Саха) таулары (Белоруссия) орналасады. Рейтинг 2017 жылғы 1 желтоқсаннан 2018 жылғы 28 ақпанға дейін қоса алғандағы мерзімде онлайн брондау және туристерді орналастыру жүйелерінің деректерін талдау нәтижелері бойынша ұсынылды. Шымбұлаққа бару оп-оңай: курортқа дейін №12 қалалық автобус жүреді. Медеуден Шымбұлаққа аспалы жолмен немесе шағын автобустармен не экотаксимен жетуге болады.
Қашан және қайда: Алматыдағы биік таулы Шымбұлақ курорты күн сайын және жыл бойы жұмыс істейді. Аспалы жолдардың жұмыс режимі — www.shymbulak.com сайтында.