Түнгі өмір
Ко Чанг түнгі өмірді ұнататындар үшін емес деп айтуға болады. Мұнда бар мен түнгі клубтар санаулы ғана. У-шуға толы Пхукет пен Паттайядан Ко Чангтың айырмашылығы да осында. Егер сіздер регги ырғақтарын ұнататын болсаңыздар, онда Lonely Beach барларына барыңыздар. White Sand Beach жағажайында аралдағы ең үлкен бар деуге болатын Sabay бары орналасқан. Теңіз жағасындағы тапшанда жатып, жанды музыканың әуенімен салқын коктейльді сораптап қойып, рақаттанған қандай ғанибет. Аралдағы ең басты түнгі ойынсауықтарға деңгейлері әр бөлек отты шоулар жатады. Sabay барында ең танымал әртістер өнер көрсетеді. Олар соқпа толқындардың шуылымен және барабандардың дүрсілімен өтеді. Ойын-сауық кезінде қараңғы түн оттың, жалынның жарқылымен, ұшқынымен жарқырап кетеді.