Салтанат Жақсылықова, инженер-механик. Питер Юан, аудармашы
Қытайда «Аспанда — жұмақ, ал жерде — Ханчжоу» деген мақал бар. Бұл — Қытайдағы ең әсем және романтикалық қалалардың бірі. Ұлы саяхатшы Марко Поло оны әлемдегі ең сұлу қала деп есептеген. Мұнда ағаштар мен гүлдер өте көп, тап-таза, төңіректі тамашалап, жаяу серуендегеннен ләззат алуға болады. Қаланың басты көз тартарлық жерлерінің бірі — таулар мен жасыл парктер қоршаған Сиху көлі. Күндіз тауға шығуға болады, таудан көлдің ғажайып көрінісі ашылады, тау бөктерлерінен шағын храмдарды кездестіруге болады.
Сиху көлінде орналасқан субұрқақтар шоуы үшін кешке мұнда өте шулы және адамдар көп болады. Қалған ермектер де көлдің жанында: клубтар, барлар, ең жақсы ресторандар, дүкендер. Міндетті түрде шай дүкеніне кіріп, Қытайдағы ең атақты шайлардың бірі — лунцзинді сатып алыңыздар, оны тікелей осы өлкеде өсіреді. Таңдаулы тамақтарға құмар адамдарға пекинше әзірленген керемет үйректің дәмін тату үшін Quanjude Roast Duck ресторанына баруға кеңес береміз. Жұрттың айтуынша, Си Цзиньпиннің өзі осы ресторанға жиі келеді және онда шетелдік қонақтарды қабылдайды екен.