Элина Бесембе, блогер. Роман Бесембе, Devops инженері
Бізге Еуропаның суық елдерінде демалған ұнайды, мәселен, Шотландияда, Глазгода. Ауаның температурасы жыл бойы +13-тен +19 градусқа дейін сақталып тұрады. Теңіз желі аралас өткінші жаңбыр күн сайын дерлік жауады. Ондағы ауа райы құбылып тұрады, оны болжау мүмкін емес: таңертең терезенің сыртынан күн көрінсе, ал 5 минут өткеннен кейін жаңбыр жауады да, ол кешке дейін жалғасуы мүмкін. Қалада шағалалар көп, олар қолдағы тамақты қақшып кетуге қашан да дайын тұрады. Глазгода тіршілік қайнап жатады. Қалада метромен жүруге болады, бірақ біз жаяу серуендегенді ұнатамыз. Егер сіздер белсенді демалуды жақсы көрсеңіздер, онда арнайы автоматтардан велосипедті жалға алуға болады.
Глазгода демалу әсіресе парк аймақтарымен асықпай серуендеп жүріп, тарихи және мәдени көз тартарлық орындарды кезегімен тамашалауды ұнататын туристер үшін тартымды. Осындай бірқалыпты және сонымен бірге мазмұнды демалыс барынша көп әсер алуға мүмкіндік туғызады. Мәселен, Green паркте корольдардың мұражай-сарайы мен сондағы бақты тегін көруге болады. Ал Бьюкенен көшесінде кофе ішуге және шопингтен ләззат алуға болады.