Нұрия Жұмағалиева, байер. Евгений Пак, экономист
Италия — құдайлардың, опера мен лимонадтың отаны. Бір рет келгеннен кейін қайта-қайта келе бергің және тіпті біржола қалып қойғың келеді. Империяның бүкіл сұлулығы мен айбындылығын
Рим қаласы паш етеді, оған, оның ағаштарына, тағамына, архитектурасына бір көргеннен ғашық боласың. Әр бұрышта сені империяның тарихы мен қуатының айғағы күтіп тұрады, оларды көргенде денең шымырлап сала береді. Колизей, Жеті төбе, Пантеон, Ватикан, Испан баспалдағы — осылардың барлығы Мәңгі қалаға келген әр туристің баратын жерлері, бірақ біздің сүйікті орнымыз — әйгілі меценат граф Боргезенің бұрынғы поместьесі болған Вилла де Боргезе паркі. Қазір мұнда мұражай үйі орналасқан, онда әлемдік мәдениеттің жауһарларын: түйеқұстың жұмыртқасындай көлемдегі лимондар өсетін бақты, ипподромды және қалаға сыйланған шағын көлді көруге болады. Парк барлық адамдар үшін ашық. Рим — жұмбақ, әрі романтикалық қала. Кейде алған әсеріңді сөзбен айтып жеткізе алмайсың. Егер Римде бір рет болсаңыздар, міндетті түрде қайта оралғыларыңыз келе береді.