Орналасу
Мұнда қазіргі заман талаптарына сай отельдің жайлы бөлмелерін таңдау проблемалары туындамайды, Шеки туристерге үйренген. Қарапайым гестхаустар бір түнге 10 доллар сұраса, одан жақсырақ отельдердің бөлмелері 40-50 доллар болады. Бірақ сіздер Шығыс ертегілерінің әлеміне бойлағыларыңыз келсе, керуен-сарайға тоқтаңыздар. Турасын айтсақ, осы таңдау нағыз романтиктердің көкейінен шығады. Шекиде екі керуен-сарай бар: жоғарғы және төменгі. Соның екеуі де — ХVIII ғасырдан бері бастапқы қалпын сақтап қалған тарихи ескерткіштер, сол заманды елестететін нағыз керуен-сарайлар. Бөлмелер керектілердің бәрімен жабдықталған, тіркеу орны тәулік бойы жұмыс істейді, жолаушыға қажетті жайлылық пен жылу қамтамасыз етіледі. Осының барлығы мүлде ұмытылмайтын декорациялармен — тастан қаланған қабырғалармен, күмбезді төбелермен, ішкі шағын аула периметрі бойында салынған галереялық балкондармен безендірілген, мұндағының бәрі сіздерді ежелгі ертегілер әлеміне жетелейді.