Құрметті «Эйр Астана» жолаушысы!
Tengri журналының осы шығарылымының мұқабасында Cathay Pacific Airways әуе компаниясында жұмыс істеген кезімде маған 1980-ші және 1990-шы жылдарда өмір сүру бақыты бұйырған азиялық мультимәдени мегаполис, әлемдік маңызы бар бизнес және туризм орталығы — Гонконг бейнеленген.
«Эйр Астана» әуе компаниясы Алматы мен
Гонконг арасындағы рейстерді 2012 жылдан бастап орындайды, таяуда ұшу жиілігін аптасына 3 ретке дейін ұлғайтатындығымызды қуана хабарлаймын, өйткені біз Cathay Pacific компаниясымен код-шерингтік келісімге қол қойдық. Бұл «Эйр Астана» клиенттеріне Гонконгтың халықаралық әуежайында жеңілдікті тарифтермен және ыңғайлы трансфермен Cathay Pacific маршруттарының орасан зор желісіне қолжетімділік алуға мүмкіндік береді.
Сонымен қатар, жақында біздің Lufthansa және KLM компанияларымен жасалған кодшерингтік келісімдерімізге Атырау – Франкфурт және Атырау – Амстердам бағыттары қосылды. Бұл шарттардың мақсаты — біздің клиенттеріміз үшін әріптес әуе компанияларының желілеріне қолжетімділікті оңайырақ және арзанырақ ету. Бұдан басқа, «Эйр Астанада» Turkish Airlines, Asiana, Bangkok Airways және Etihad компанияларымен осындай келісімшарттар бар, осының арқасында сіз жаһандық желідегі маршруттар мен жиіліктердің кең ауқымды таңдауына қолжетімділік аласыз.
Биылғы жылы «Эйр Астана» жиі ұшатын жолаушыларға сыйлықтар беретін Nomad Club бағдарламасының 10 жылдығын атап өтеді. Бағдарламада төрт деңгей — Көк, Күміс, Алтын және Гауһар деңгейлер бар, қазіргі уақытта клубқа әлемнің 25-тен астам елінен 300 000ға жуық адам қатысады. Мұндай табысқа біз сіздердің, сіздердің бейілділіктеріңіздің арқасында ғана қол жеткіздік және мен сіздерге бұл үшін шынайы алғысымды білдіремін.
Құрметпен,
Питер Фостер,
«Эйр Астана» әуе компаниясының президенті