Астанадағы авиациялық-техникалық орталық

«Эйр Астана» Астана қаласының әуежайында жаңа авиациялық-техникалық орталық ашты. Нысан «Елді жаңа индустрияландыру: Қазақстан барысының серпіні» телекөпірі кезінде, Қазақстан Президентімен 2017 жылғы 6 желтоқсанда болған тікелей эфир үстінде іске қосылды. Орталықта ұлттық әуе тасымалдаушысының және Қр-да рейстер жасайтын басқа да әуе компанияларының паркіне инженерлік-техникалық қызмет көрсетіледі. Мұнда, әуе лайнерлеріне қызмет көрсетудің күрделі түрлерін қоса алғанда, ұшақтарды жөндеудің барлық түрлері жүзеге асырылатын болады. Орталық 190 жұмыс орнын ашады және болашақ авиамеханиктерді өндірістен қол үзбей даярлауға жағдай жасайды.