Біздің бірінші A321neo ұшағымыз
Қазақстан ұлттық әуе тасымалдаушысының паркі Гамбургтегі Airbus зауытынан алынған бірінші A321neo ұшағымен толықты. Әуе лайнері бизнес-кластағы 28 және эконом-кластағы 151 орынмен жарақталған. Ұшақтың салоны дара ойын-сауық жүйесі бар дербес мониторлармен жабдықталған. Жаңа ұшақ ішкі және халықаралық желілермен ұшу сапарларын орындайды. Airbus A321neo (new engine option) тобындағы лайнерлер жаңа буындағы шағын фюзеляжды реактивті ұшақтар қатарына жатады, Pratt & Whitney қозғалтқыштарымен және қанат ұштарымен жабдықталуының арқасында олар алдыңғы үлгімен салыстырғанда отынның 15%-ға үнемделуін қамтамасыз етеді.