«Эйр Астана» бортындағы көлеңкелер театры
Ұшу алдындағы бейне-нұсқама — ұшу қауіпсіздігінің өмірлік маңызды құрауышы. Жолаушыларға ұшу алдында ұсынылатын бүкіл ақпаратты мұқият тыңдау және бәрін есте сақтау қажет. Ол үшін қауіпсіздік жөніндегі бейнеролик әрі қызықты, әрі көрнекі болуы тиіс.
Сіздер біздің қауіпсіздік жөніндегі жаңартылған ролигімізге сөзсіз назар аударған боларсыздар. 2017 жылғы қараша айында іске қосылған оған тек жолаушылар ғана емес, сонымен қатар, әлеуметтік желілерді пайдаланушылар да өте көп мадақ сөздер айтты. «Эйр Астана» бейненұсқамаға шығармашылық тұрғыдан келген Орталық Азиядағы бірінші әуе тасымалдаушысы болды. Бұл жұмыс шет елдерде де лайықты бағаланды. Халықаралық Ads of the World жарнамалық қоғамдастығы мен WELOVEAD порталы біздің ролигімізді халықаралық деңгейдегі ең үздік жарнамалық жұмыстармен бір қатарға қойды. Осы бейнежазбаны кәсіби мамандар командасы жасады, ол туралы әңгімелеп беруді жөн көрдік.
Осыдан бір жылға жуық уақыт бұрын FCB Almaty жарнамалық агенттігі көлеңкелер театрының көмегімен қауіпсіздіктің қатаң ережелерін көрсету идеясын ұсынды, онда актерлар өз денелерінің көмегімен кез келген кескіндер мен сұлбаларды жасайды. Компьютерлік графика мен арнайы әсерлер барынша аз қолданылады. Кадрдың сыртындағы дауыс не туралы айтса, сұлбалардың соны дәлме-дәл көрсетулері маңызды болды: мысал үшін, егер әңгіме оттегімен демалу маскалары туралы болса, кадрда нақ осы маскалар болуы тиіс. Жарықтың да маңызы аз емес, ол белгілі бір бұрышпен түсірілсе, әртістердің белгіленген уақытта және өте дәл қимылдаулары шарт. Экранда болып жатқанның табиғилығы және әртістерді мультипликациялық кейіпкерлер емес, ал тірі адамдар ретінде қабылдау соған байланысты болады. Түсірілім алдында хореографтың басшылығымен жасалған әр көріністің репетициялары бірнеше айға созылып, FCB Almaty көркемдік жетекшісі сағаттар бойы солардың бейнежазбаларын қарады.
Бүгінде сіздер агенттік жұмысының нәтижесін «Эйр Астананың» барлық борттарынан көре аласыздар. Енді сіздердің барлық саяхаттарыңыз театрдан басталатын болады. Көлеңкелер театрынан.