«Біржан — Сара»
«Астана Опера» театры көпшіліктің назарына ұлттық өнердің жауһары — Мұқан Төлебаевтың «Біржан — Сара» операсын жаңа музыкалық-сахналық редакцияда, жаңа сценографиямен ұсынады. Әнші Біржан сал мен дарынды ақын Сараның арасында үлкен сезім пайда болады, оған ескі әдет-ғұрыптар еңсерілмейтін кедергі жасайды. Операда феодалдық дала қоғамының бұрынғы көрінісі жаңғыртылып, байлардың қатаң озбырлықтары көрсетіледі. М. Төлебаевтың операсында суреткердің мәңгі өлмейтін идеясы, жауыздықпен және әділетсіздікпен ешқашан бітпейтін күрес жайлы баяндалады. Қашан және қайда: 22 және 24 наурыз, «Астана Опера», Астана.