Ескі қаланың Одиссеясы
Ескі қаламен жаяу серуендеген кезде танысу керек, өйткені жергілікті көрнекі орындардың көпшілігі қаз-қатар орналасқан. Машиналармен және мотороллерлермен қаланың тарихи орталығына кіруге белгілі бір сағаттарда тыйым салынған, сондықтан жаяу серуендеу ерекше ләззатқа бөлендіреді. Ескі қаламен жақсырақ танысудың тағы бір жолы: экскурсияға тапсырыс беріп, оған жаяу немесе велосипедпен шығу. Сіздерді көк көйлек киген жергілікті гид тар, тымық көшелермен алып жүреді.
Хойанда адамдардың бұрын қалай тұрғандарын білу үшін Халық мәдениеті мұражайына барыңыздар, онда жергілікті халықтың дәстүрлі кәсіптері мен қолөнері — балық аулау, ауыл шаруашылығы және тоқымашылық туралы баян ететін экспозиция қойылған. Мұражай бізге дейін жеткен ең үлкен, екі қабатты ағаш ғимаратта орналасқан. Оның жанындағы отбасылық үй саналатын Tan Ky House ғимаратына бірнеше ғасыр болған. Оның бойынан қытай және жапон архитектуралық стильдерінің элементтері және, әрине, уақыттан тыс вьетнамдық дизайн үйлесім табады.
Ескі қаладағы ғимараттардың көпшілігінде қазір кофеханалар, кафелер және ресторандар орналасқан, сондықтан сіздерде жергілікті тағамдардың дәмін тату мүмкіндіктеріңіз мол болады, олардан қытай, жапон және француз дәстүрлерінің әсері сезіліп тұрады.
Жергілікті тағамдардың дәмін тату үшін төбесі жабылған шулы базарға барыңыздар. Тағамдардың көпшілігі жергілікті күріштен дайындалады. Одан бөлек, сіздерге кеспе қосылған тамақтардың түр-түрін, құймақтар мен спринг-роллдар ұсынады, қалауларыңыз бойынша соларды шошқа етімен, тауық етімен, теңіз өнімдерімен немесе көкөністермен бірге береді. Таңғы тамаққа ұсынылатын басты